特别提醒：在莞的朋友请注意 “先生，打唔打波？” 有个同事讲，礼拜的时候佢同老婆一齐去市场买嘢。 佢行前头，佢老婆跟尾。行行下有条女走过来问佢：“阿 生，打唔打波？”我同事话：“唔打。” 就咁出事，条女拉住我同事，然后唔知从边度走出两 条大汉，帮条女手拉住我同事，百忙中伸手入我同事裤袋 想抢银包！我同事反抗！ 之后佢老婆喺后面见到，立即冲上前，拉住条女把头 毛，一嘢扯住佢！同果三个人又想伸手想抢手机！同事老 婆一只手按住裤袋里面嘅手机，一手执起地上一块木板大 力“ＢＯ”落去！ 条女攞住把缩骨遮，兜头车落我同事个头度，我同事 一手捉住佢，抢埋把遮，车返落条女度！ 纠缠咗一段时间，果三个人无功而还。我同事两公婆 块面都有抓伤嘅伤痕。 当时系日光日白，而且喺市场度，都几多人。听讲仲 有治安仔经过睇到呢件事发生。 PS：我另一个同事讲：如果行行下街有条女问你：“ 阿生，打唔打波？”你只要唔理佢就会无事。 如果你回答：“打！”咁条女就带你去佢地方，然后又 会有几条佬走出来抢你钱。 如果你回答：“唔打！”就会发生我同事呢啲事情。